Soppens dag

Tradisjonen tru markerer vi Soppens dag i og ved Blondehuset på Arboretet på Milde første søndag i september.

Vi steller i stand ei stor sopputstilling med hundrevis av artar, held open soppkontroll, ein quiz for barn og sal av bøker og effektar. Det blir òg sal av saft og heimelaga soppsuppe.

Soppens dag er ei felles markering i Norge, Sverige og Danmark – som alltid finn stad den første søndagen i september.

Arrangementet er kome i stand i samarbeid med Universitetshagene og Arboretet på Milde. Sopputstillinga og dei andre aktivitetane er gratis og ope for alle. Påmelding er ikkje naudsynt.