Kulturminnetur Flatekval til Farestveit

Om turen: Stien startar ved Dalastova på Flatekval. Det går bratt oppover lia, men stien tydeleg og lett å gå. Ein gjer fort unna mange høgdemeter. Like før ein når toppen, passerer ein Likhaugen. Stadnamnet Likhaugen fortel om den tida då dette var første etappe når dei skulle bera dei døde over til gravplassen i Modalen. Etter ei kneik til rundar ein høgda og ein kjem til Steinsetra. Der ser ein innover det vakre landskapet ved Storavatnet (656 moh). Her vert det nistepause. Ved Storavatnet har Modølar og Eksingedølar møttest på ulike stemne, og det får turdeltakarane høyra litt meir om.